Adjuta:Recerca

Nota: Si tu modifica iste pagina, tu accepta de publicar tu contribution sub licentia CC0. Vide le paginas de adjuta sur le dominio public pro saper plus. Translate

Pro le documentation del function de recerca sur wikis de Wikimedia, vide Help:CirrusSearch .

Le maniera le plus rapide de trovar informationes in MediaWiki es cercar los directemente. Sur cata pagina se trova un quadro de recerca.

Insere parolas clave e phrases e preme Enter o Return o clicca sur le icone de lupa (o sur le button Cercar o Va quando se usa altere apparentias). Si le parolas inserite corresponde al titulo de un pagina, tu arrivara directemente a ille pagina. Si non, le systema cerca in tote le paginas del wiki (con certe restrictiones, vide a continuation) e presenta un lista de articulos correspondente a tu terminos de recerca, o un message que te informa que non existe un pagina que contine tote le parolas e phrases cercate.

Como functiona

• Le systema cerca in tote le paginas del wiki, con certe restrictiones.
• Le contento del pagina se cerca in su forma crude (wikitexto); isto vole dicer que le systema cerca in le texto que appare in le quadro de modification quando tu clicca sur "modificar", non in le version processate del pagina. Isto significa que le contento que proveni de un patrono includite non essera trovate, ma le destination de ligamines con proprie titulo lo essera.

• Le functionalitate de recerca opera sur parolas integre, separate per spatios o altere signos de punctuation. Per exemplo, si tu termino de recerca include le parola 'libro', le resultatos non includera paginas que ha solo le parola 'libros', e si tu termino de recerca include le parola 'inter', le resultatos non includera paginas que ha solo le parola 'interlingua' ma pote includer paginas que ha le termino 'inter-lingua'.
• Le resultatos includera solo paginas que contine tote le parolas de tu recerca.
• Tu pote cercar partes de parolas usante un metacharacter (*). Per exemplo, libro* retornara resultatos pro libro e pro libros. Iste operation consume plus ressources.
• Tu pote cercar un phrase usante virgulettas duple. Un phrase se considera de consister de parolas integre. Per exemplo, le phrase 'prime ministro' non essera trovate per un recerca de 'ime min', ma lo essera per un recerca de "prime ministro".

Restringer le recerca

Si tu clicca sur le button "Cercar" sin inserer qualcosa, le systema te porta a "Special:Search" que te da optiones additional de recerca. (Iste pagina es equalmente attingibile ab le lista de resultatos.)

Pote esser utile limitar un recerca al paginas in un spatio de nomines particular, p.ex. cercar solmente in paginas "User". Pro facer isto, marca le spatios de nomines que tu require pro iste recerca.