Help:Aperir session

This page is a translated version of the page Help:Logging in and the translation is 100% complete.
Isto es un pagina de adjuta generic pro le software MediaWiki. Multe wikis potentiate per MediaWiki ha un ligamine de adjuta que liga con iste pagina. Si tu ha arrivate hic de un altere wiki cercante auxilio con aperir session o crear un conto, nos non pote adjutar te. Retorna a tu wiki e tenta trovar un foro, pagina de discussion o adresse de contacto ubi tu pote requestar adjuta al administrator del sito.

Le apertura de session non es necessari pro leger paginas, ni mesmo pro modificar los. Totevia, illo forni functionalitate additional e, in general, le projectos lo recommenda.

In breve

Crear un conto significa que tu forni un nomine de usator (tu nomine real o un pseudonymo) e un contrasigno. Le systema rejectara un nomine de usator jam occupate. Un conto se crea solmente un vice. Tu habera alora "aperite session". Le proxime vice que tu aperi session, tu forni tu nomine de usator de novo e demonstra con le contrasigno que tu es le mesme persona.

Le modificationes que tu face es registrate sub tu nomine de usator. Si tu non aperi session, tu modificationes essera registrate sub tu adresse IP.

Proque aperir session?

Non es necessari aperir session pro leger qualcunque wiki public de MediaWiki. Normalmente non mesmo es necessari aperir session pro facer modificationes: omnes pote modificar quasi omne pagina, mesmo sin conto.

Nonobstante, il es un bon idea aperir session, pro plure rationes:

  • Altere usatores te recognoscera per tu nomine de usator quando tu apporta modificationes a paginas. Como "nomine", un adresse IP es alquanto inhabile. In ultra, si tu usa computatores a locos differente (casa, officio, café internet, etc.) tu ha pro cata loco un adresse IP differente; etiam in le mesme loco, dependente del connexion a internet, le adresse IP pote esser differente cata vice. Dunque, un nomine de usator es melior pro mantener un identitate.
  • Tu habera un proprie pagina de usator ubi tu pote scriber un poco sur te, e un pagina de discussion usator con que tu pote communicar con altere usatores.
  • Tu potera marcar un modification como minor, evitante incommoditate pro altere usatores.
  • Tu potera traciar le modificationes a paginas de tu interesse per medio del observatorio.
  • Tu non es obligate a dar tu adresse de e-mail. Ma si tu lo face, tu potera facer le sequente cosas:
    • reinitialisar tu contrasigno si tu lo oblida,
    • reciper automaticamente notificationes de certe eventos, si activate in tu preferentias,
    • reciper e-mail de altere usatores si tu lo permitte in tu preferentias (le usator qui te invia email non cognoscera tu adresse de e-mail),
    • inviar un e-mail a altere usatores e administratores si illes lo permitte como explicate hic supra (tu adresse de e-mail essera revelate in omne e-mail que tu invia).

Non oblida de leger le politica de confidentialitate, si existe, de cata sito que tu visita (per exemplo, le politica de confidentialitate de Wikimedia).

Como aperir session

Primo assecura te que tu navigator accepta le cookies. Alcun navigatores pote acceptar o rejectar cookies de sitos individual; le usatores de istes deberea configurar le navigator pro acceptar cookies de cata wiki que tu intende modificar, p.ex. wikipedia.org.

Clicca sur le ligamine "Aperir session" in alto a dextra del pagina. Le systema te demandara de entrar tu nomine de usator e contrasigno. Si tu non ha aperite session anteriormente, tu debera usar le ligamine fornite pro crear un conto. Tu pote dar tu adresse de e-mail si tu vole.

Si tu marca le quadrato "Mantener mi session aperte", non essera plus necessari dar tu contrasigno quando tu accede a ille wiki de MediaWiki ab le mesme computator. Isto functionara solmente si tu contrasigno non ha essite generate per le software MediaWiki.

The returnto URL parameter specifies the page to redirect back to after logging in.

Problemas de apertura de session

Si il pare que tu pote aperir session, ma quando tu tenta visitar un pagina le session se claude, se tracta probabilemente de un problema de cookies. Si tu es certe que le cookies es activate, assecura te de non haber addite le dominio del wiki a un lista de sitos pro le quales le cookies non es permittite: iste function es disponibile in tote le navigatores recente. In ultra, assecura te que le data e hora de tu computator es adjustate correctemente; si non, le cookies pote expirar prematurmente. Nota que alcun programmas de firewall e de blocage de annuncios pote interferer con le cookie que le wiki usa pro mantener le session de un persona aperte.

Un usator pote occasionalmente trovar su session "automaticamente" claudite inter le momentos de initiar un modification e de salveguardar lo, o quando se commuta inter plure paginas aperte in plure fenestras. Isto pote resultar del parametros de cookie, cache, o firewall de tu navigator. Non importa le ration pro le clausura del session, le solution le plus simple es marcar le quadrato "Mantener mi session aperte". Si tu lo face sur un computator usate per plure personas (p.ex. al bibliotheca, al labor, al schola), per favor cerca e rade le cookies que identifica tu conto post tu session.

Que facer si io oblida le contrasigno o le nomine de usator?

Le nomine de usator distingue inter majusculas e minusculas. Si tu entra un adresse de e-mail al creation de tu conto, o in tu Preferentias, tu pote requestar in le schermo de apertura de session que un contrasigno temporari sia inviate a ille adresse, le qual te permittera de recuperar tu conto. Si tu non ha entrate un adresse de e-mail, so si le adresse non es plus valide, tu debera crear un altere conto con un altere nomine de usator. Postea, si un pagina de usator e pagina de discussion usator ha essite create pro le ancian conto, es consiliate de facer los rediriger al paginas equivalente del nove conto. (Pro transferer le contento e historia de iste paginas al nove position, es possibile que tu pote usar le function "renominar" ("move"); contacta un administrator si tu require assistentia).

Crear un conto

Pro crear un conto, selige "Aperir session" (in alto a dextra del pagina), postea "Crear conto". In general tu debe fornir solmente un nomine de usator e un contrasigno. Alcun wikis require un CAPTCHA visual (Completely Automated Public Turing test to tell Computers and Humans Apart = test de Turing completemente automatisate pro distinguer computatores de humanos). Usatores con navigatores solo texto, solo voce, o obsolete non poterea crear un conto si illes non pote vider iste imagine. Si tu non es capace de vider CAPTCHAs, contacta un administrator o requesta un conto.

In ultra, es possibile que tu non pote crear un conto si contine certe symbolos (particularmente le symbolo '@', assi como certe characteres non latin) o parolas, o si es troppo similar a illo de un usator existente. In tal caso, es possibile que tu pote requestar que un conta sia create pro te contactante un administrator, dependente del proprie politicas e systemas del wiki. Si tu adresse IP ha essite blocate pro le creation de contos, es possibile que tu pote requestar de esser disblocate o requestar un conto.

Un altere possibilitate es que tu ha arrivate a iste pagina ab un wiki private que usa un altere methodo pro gerer contos. Si isto es le caso, contacta tu administrator de systema pro cognoscer le proceduras a sequer pro crear o acceder a tu conto. Un cosa a tentar, si tu pensa que es applicabile, es usar le credentiales del dominio de tu organisation/interprisa.

Familias de wiki e contos unificate

Alcun projectos usante le software de MediaWiki forma un familia in le senso que on aperi session pro le familia in total; le functionamento de lor systemas pote variar considerabilemente. Si tu ha interesse in un del wikis del Fundation Wikimedia (como Wikipedia), lege plus sur: Contos unificate.

Clauder session

Tu pote clauder session quandocunque con un clic sur le ligamine "Clauder session" in cyma al dextra del pagina. Pro impedir que le navigator rememora tu nomine de usator e lo suggere al proxime usator del computator, non oblida de deler le cookies in le parametros de confidentialitate de tu navigator. Particularmente si tu usa un computator public, tu vole forsan deler tote le historia recente del navigator (Ctrl+Shift+Del in Firefox).

Le majoritate del wikis claude automaticamente le session del usator post un certe tempore. Si isto eveni e tu tenta de publicar un modification, tu videra normalmente un message de advertimento dicente que tu session ha essite claudite.