Manual: Nunu o MediaWiki?

Logo MediaWiki

MediaWiki nopo nga' obibas kiimpohon do porisian wiki, kilisin id siriba do GNU General Public License (GPL).. Winonsoi iti montok liwang di ogumu tombului monikid tadau.

Koilo ko kanto do Wikipedia, ensiklopedia obibas. MediaWiki nopo nga' porisian di popoingkakat do Wikipedia.

Hogot "wiki", "Wikimedia", om "MediaWiki" nopo nga' popoimbulai do koborulangan.

Montok minsingilo lobi kokomoi do boros diti, basa'o "Differences between Wikipedia, Wikimedia, MediaWiki, and wiki ".

Kopointangan umum

MediaWiki nopo nga' aplikasi do agaras kopio, kiskala om noponu do kowoowoyoon wiki di momoguno do PHP montok momproses om popokito data di pinoopi id pangkalan data, miagal do MySQL.

Liwang momoguno MediaWiki format wikiteks, moi do kaanu momoguno di aiso toilaan kokomoi HTML toi ko' CSS do monyunting miampai osonong.

Soira papaatod o momoguno do suntingan id liwang, suaton do MediaWiki iri id pangkalan data, miampai amu momugas do versi kopogulu do bolikan dii, mooi do kaanu kawagu pogulion o versi pogulu sokiro haro vandalisme toi ko' spam. MediaWiki nogi nga' milo mongulud do gambal om fail multimedia, i pinoopi id fail sistem. Montok wiki di tagayo om ogumu momoguno, monokodung o MediaWiki kokomoi cache om osonong popiamung miampai porisian proksi. Miampai popioput pointantu, milo o MediaWiki do mongulud data kistruktur.

MediaWiki nopo nga'...

MediaWiki nopo nga' porisian wiki.

Sokiro amu ko koilo nunu o wiki, basa'o o artikel Wikipedia diti sobolum do tumilombus ko.

MediaWiki nopo nga' porisian pelayan.

Sabaagi poingkuro o aplikasi suai ii pointalang kumaa noputan internet, haro piipiro kobolingkahangan "bugs" toi ko' koumoligan. Kada papasango' MediaWiki suai ko' sokiro haro rahi nu tumanud do monginsonong koumoligan (langgano montok monorimo kopoilaan kokomoi monginsonong koumoligan.)

MediaWiki nopo nga' winonsoi montok kominagan do projek Wikimedia.

Program diti pinoingkakat miampai tudu kopio do poindalanon id suang do liwang pelayan tagayo montok kogunoon do Wikipedia om projek mionit di suai. Kowoowoyoon, prestasi, konfigurasi, koumatan momoguno, om suai-suai po; sokiro kosionuon nu nopo nga' misuai kopio, amu kosudong o aplikasi diti.

MediaWiki nopo nga'porisian obibas.

Aiso daminan toi ko' waranti id suang do nunu nopo kowoowoyoon di pinotounda.

Pinsingumbal do Wikiteks

Impohon wikiteks (pananda wiki)

Ho'o, milo ko' monimban liwang miampai ouhan, om milo ko nogi (oruhai no) popotorbit do panandatan winonsoi-wonsoi, om milo ko nogi (oruhai no) do momugas liwang diti id wiki. Amu ko minog nunu-nunu kabaalan kokomoi boros aturcara montok popoindalan.

Poposogu yahai diya do mongumbal momoguno do kutak pasir. Powonsoyo o pinsingumbalan nu hilo, hali pia pontadbir aiso toleransi kumaa nunu-nunu powonsoyon nu.

Milo ko nogi sumuku kumaa lambaran toniba, ii kisuang do format tituduk impohon.

Piipiro ahal di amu owonsoi miampai osonong id MediaWiki

• Sabap do MediaWiki nopo nga' winonsoi montok suang poingukab, iti nopo nga' amu kosudong gunoon id kowoowoyoon do poporontob akses kumaa hinggo-hinggo boogian wiki. Iti milo sumiliu hos montok wiki id suang do rangkaian suang isoiso organisasi, hinonggo tulun suang no ii mio kokito.
• Winonsoi o MediaWiki montok popotounda liwang miampai grafik di akawas miagal do Wikipedia. Pomogunoon diti nokooptimum om amu kanto kosudong montok liwang di tokoro, hinonggo haro rontob kumaa poopian toi ko' memoris misuai ko' jalur lebar.
• MediaWiki nopo nga' okon ko' pogolon di kosudong montok forum pointantu/ blog aplikasi sokiro iti no ii ihumon nu.

Montok kes id sawat, haro kanto aplikasi suai do wiki (toi ko' aplikasi okon ko' wiki) ii lobi kosudong miampai komingan nu.

Intangai nogi

• Manual:Deciding whether to use a wiki as your website type
• Manual:Deciding which wiki software to use
• Manual:MediaWiki feature list om Principles
• w:Comparison of wiki software
• www.wikimatrix.org — piadangan mogikaakawo enjin wiki.