Uhup: Liwang momomoguno

Ilo'o:Soira monyunting kou id bolikan diti, kasaga kou do manahak kasagaan kumaa sakadai dokoyu i tertakluk id siriba CC0. Intangai Liwang kouhupan Domain Awam montok maklumat potilombus. Piipiro semakan laid montok bolikan diti nopo nga noimport id siriba lesen CC BY-SA. Sakadai kawaawagu no id PD.

user Liwang nopo diti nga kokomoi do momomoguno wiki miampai do akaun om monyumbang id wiki.

Nung nokodopitor kou no, nowonsoi no akaun momomoguno dokoyu nga kakal po aiso o liwang momomoguno toi ko' liwang pibarasan. Daadi, milo kou momonsoi do liwang momomoguno dokoyu sondiri. Liwang momomoguno nopo dokoyu nga mipaut do id sawat id gibang. Ii toponsol nopo nga, kokito o tulun suai do pautan liwang momomoguno dokoyu mantad koiyonon do misuusuai ii kaanu moguhup id kolaborasi wiki. Kaampai no iti do Wagu kosimbanai om sajara bolikan ii okito id (intangai Help:Tracking changes ). Milo kou nogi do popiromut liwang momomoguno dokoyu id teks do liwang wiki, ii kiguno id liwang pibarasan soira poposuang do ngaran.

Nung au kou po nokodopitor, ointutunan kou miampai do IP address dokoyu sondiri. Nga id taang diti, aiso o liwang momomoguno toi ko liwang pibarasan ii koimbulai. Liwang pibarasan nopo diti nga automatik do owonsoi IP momomoguno soira oruhangan artikol gulu. Milo kou do momonsoi liwang momomoguno maya do alamat IP.

Nunu posuangon id liwang momomoguno

Bolikan momomoguno nopo nga fleksibel ii miagal id nombo nopo bolikan wiki suai, om iri nogi nga bolikan kokomoi dokoyu, om umum nopo nga tulun suai kaanu popologos dokoyu monuat liwang momomoguno dokoyu di obibas id nunu nopo format ii korohian. Fitur nopo diti nga kaanu monguhup tulun suai do mogintutun dokoyu, om mogowit do komuniti id talian do minsomok om mogiampayat. Sorohon iti sabaagi do liwang profil. Manu kou kanto do popoilo nombo tadon om karaja dokoyu. Milo kou nogi do popoilo gana korohian gulu dokoyu kokomoi do topik wiki, om nogi papatalang sakadai ii nowonsoi dokoyu toi ko' gana korohian do manakadai.

Koiyonon garis tonudon momoguno / Koiyonon pombangunan

Milo kou do momoguno bolikan momomoguno dokoyu sabaagi garis tonudon. Iso koiyonon montok papalaab idea miampai au akasou do liwang ngaran gulu (intangai Help:Namespaces ). Nung poaktifon o subbolikan (intangai Help:Subpages ), kokito kou do oponsol iti montok momorun do subliwang id siriba bolikan momomoguno dokoyu. Sundung do ingkaa nga mositi kou do mongilag mantad manahak goos di ogumu kopio id koiyonon do wiki dokoyu sondiri. Toboi pogi ka! Ponyunting id artikol wiki gulu! Sokira wiki dokoyu kiwaa liwang do Kutak Togis ii pinoilang, milo kou nogi do momoguno dii montok eksperimen wiki di tosikap (au kekal).

Bolikan momomoguno do tulun suai

Miagal di binoros id sawat, kokito kou do pautan kumaa bolikan momomoguno do tulun suai id koiyonon di mogisuusuai id poimponu do wiki.

Sakadai momomoguno

Nung mintong do bolikan momomoguno tulun suai, kiwaa o pautan pomoruhang "kouhupan momomoguno" ii koimbulai id suang "kakamot" id bar disan bolikan. Mogowit iti dokoyu kumaa id sanarai poimponu wiki i nosunting do momomoguno diti. Gunoo iti montok maganu gambalan gisom honggo o sosongulun manakadai ii produktif, toi ko' montok mogintong suntingan ii winonsoi do momomoguno sabab do kobolingkangan/suntingan wiki ii araat.

Mongedit do liwang tulun suai

Kosoruan do ondoson sabaagi etiket au osonong do monuat kawagu toi ko' monimban rancana momomoguno do tulun suai. Au kou apatut do monimban tonsi id bolikan momomoguno do tulun suai miampai aiso do kasagaan. Au ilagon o suntingan, nga lobi sonong do mogilag mantad momoruhang maklumat (loolobi no sinorou) ii milo mogowit kumaa do au kopogirati mantad do momomoguno dii, id kaantakan ii kipotensi montok popoimbulai topurimanan di au osonong. Piipiro kawo suntingan nopo nga torimoon, om tantu no au popoimbulai do torupimanan ii au osonong:

• Monginsonong do pautan id suang, soira nokoundaliu o liwang toi ko' nakataam
• Monginsonong do pautan id suang i norumbak
• Mamaagi toi ko' monginsonong o kategori do boliakan momomoguno.

Liwang pibarasan momomoguno

Tikid bolikan momomoguno nopo nga kiwa do liwang pibarasan kikokomoi; iso bolikan "user talk liwang". Kawo nopo diti nga liwang pibarasan do poimbida, montok popotimporon misij i patakon kumaa songulun momomoguno natantu. Intangai Kouhupan:Talk pages#User talk pages.

Pautan kumaa id liwang momomoguno mambaabasa

Montok momonsoi pautan kumaa liwang momomoguno di momomoguno ii minonodos liwang, gunoo Special:MyPage. Ingkaa nogi, kumaa id pautan do liwang pibarasan momomoguno, gunoo Special:MyTalk.