VisualEditor/Portal/TemplateData

Ania kadi ti TemplateData?

Ti VisualEditor, ket isu ti visual interface a panag-urnos kadagiti panid ti wiki , ket mangiraman ti ramit ti nalaka a pamay-an ti panag-urnos kadagiti plantilia. Nupay kasta, tapno naserbi dayta a ramit, nasken daytoy a makaguyod ti pakaammo a maipanggep ti plantilia; iti kaaduan, daytoy ket makasapul kadagiti parametro para iti plantilia, ken dagiti pakailasinanda.

No awan ti TemplateData

No awan ti TemplateData, ti tunggal maysa a parametro ket nasken a manual a mainayon no agisengngat ti baro a plantilia.

Awan ti pakaammo a naited a maipanggep no ania ti nasken a pateg ti parametro.

No adda ti TemplateData

No adda ti TemplateData, ti listaan dagiti masuportaran a parametro (ken dagiti panangipalawag kaniada) ket maited para iti plantilia.

Ti TemplateData ket mangited ti kontesto para iti tunggal maysa a parametro, ken makaaramid daytoy ti nalaklaka a panagbaliw kadagiti plantilia babaen ti agar-aramat.

Panagnayon ti TemplateData

Maysa kadagiti masapulmi nga aramiden dagiti boluntario ket ti pananginayon kadagiti TemplateData kadagiti plantilia (a naisangsangayan kadagiti kankanayon a maus-usar, a kas dagiti infoboxes) tapno dagitoy ket nalaklakada a maurnos.

Ti tulong a panid ti TemplateData ket mangipalawag no kasano ti aginayon ti pakaaamo ti TemplateData iti plantilia.

Mabalin a nalaka a makapanunotka kadagiti nangruna a plantilia iti bukodmo a wiki; dagiti nasanay nga agar-aramat ket ammodanto no ania kadagiti plantilia ti nasken, ken kanungpalanto a maamuanda no padasenda ti agusar kaniada ken matakuatandanto nga awan ti aniaman a TemplateData.

Mabalinmo a makita ti automatiko a napartuat a listaan dagiti kaaduan a maus-usar a plantilia iti wikim idiay espesial a panid ti Special:MostUsedTemplates. No interesadoka a gumun-od ti kopia ti listaan iti wiki a pormat (nalaklaka para iti kolaborasion), makaaramidkami ti listaan para kenka. Pangngaasi nga ipatulodmo ti kiddawmo babaen ti esurat kenni okeyes-at-wikimedia-dot-org.