Jańa bet jaratıw

Eskertiw: Bul betti ózgertkenińizde, siz CC0 astında óz úlesińizdi qosıwǵa razılıq bildiresiz. Qosımsha maǵlıwmat ushın Ulıwma ortalıq járdem betlerine qarań.

Jańa betti jaratıp baslawdıń birneshe usılları bar.

Olar jaratılǵan bettiń túrine, sonıń menen birge, wikige hám atamalar maydanına qarap parıqlanıwı múmkin.

Wikisiltemelerden paydalanıw

MediaWiki standart sintaksis járdeminde wikibetlerge siltewdi júdá ańsatlastıradı (qarań: Siltemeler ).

Eger siz (yamasa basqa birew) ele jaratılmaǵan maqalaǵa silteme jasasańız, silteme qızıl reńde boladı, mınaday.

Eskertkishler:

• Bul joqarıdaǵı úlgide teksttiń astı sızılǵan usılı shártsiz túrde kórsetilgen (yaǵnıy heshqanday ámeldiń atqarılıwı shárt emes). Negizinde siltemeler teksti astında kórsetilgen sızıq ádettegi jaqdayda jasırın boladı hám tek tıshqansha kursorı úztine alıp barılǵanda yamasa klaviaturanıń navigaciyası arqalı saylanǵanda kórinedi, bul eger wiki (yamasa paydalanıwshınıń sazlamaları) standart MediaWiki usıllarınan paydalanılǵanda.
• Siltemelerdiń negizgi reńi de standart wikipedia usıllarına baylanıslı hám wikipedia betleriniń dizaynı da bul standart reńlerdi qaytadan anıqlawı múmkin.

Qızıl siltemeni basıw sizdi jańa maqalanıń redaktorlaw betine aparadı.

Tekstińizdi kirgizip, "betti járiyalaw" túymesin basıń hám jańa bet jaratıladı.

Bet jaratılǵannan keyin, silteme qızıldan kókke ózgeredi (sıya reńi siz kirgen betler ushın) hám bul endi usı atamadaǵı maqalanıń wikipediada bar ekenligin ańlatadı.

Ádette bul usıl jańa bet jaratıwdıń eń jaqsısı, sebebi bunday jol menen jaratılǵan bet bastan-aq keminde bir dana basqa wikibet penen baylanısadı (hám ádette siz onı keyingi basqa da tiyisli betlerde qoyıwdı qáleysiz).

Eger siz jańa betti oǵan silteme kórsetpesten jaratıp atırǵan bolsańız, ózińizden soranıwıńız kerek boladı: Bul bet haqıyqattan da wikide kórsetilgen temalarǵa sáykes keledime?

Sonıń menen birge, paydalanıwshılar bul betti qalay tabadı dep oylaysız?

Negizi qandayda bir betke qızıl silteme kórsetilmey turıp ol betti jaratıwdıń mánisi joq.

Izlew maydanınan

Eger siz wikipediada bar bolmaǵan betti izleseńiz, sizge jańa bet jaratıw ushın silteme beriledi.

URL adresinen paydalanıw

Siz jańa bet jaratıw ushın wiki URL adresinen paydalanıwıńız múmkin.

Wiki maqalasınıń URL adresi ádette mınaday boladı:

• http://www.example.net/index.php/MAQALA    yamasa
• http://www.example.net/wiki/MAQALA

Eger siz MAQALA sózin ózińiz jaratpaqshı bolǵan bet ataması menen almastırǵanıńızda siz bos betke ótseńiz, demek bul atamadaǵı maqala ele jaratılmaǵan.

Bettiń joqarı bólegindegi "Redaktorlaw" tabı ústine bassańız, sol maqalanı redaktorlaw betine ótesiz, ol jerge tekstińizdi kirgizip, "Betti járiyalaw" túymesin basıw arqalı jańa bet jaratıwıńız múmkin.

Maqala jaratıw úlgisinen paydalanıw

Bul usıldı qollanıw ushın Extension:InputBox ornatıw talap etiledi.

Tómendegi tekstti wiki betine kóshirmeleń:

<inputbox>
type=create
width=100
break=no
buttonlabel=Create new article
default=(Article title)
</inputbox>

Bunda qálegen paydalanıwshı maqala atın jazıwı hám sol attaǵı betti jaratıwı múmkin bolǵan maydansha payda boladı.

Bul tájiriybesi az paydalanıwshılarǵa betlerdi ańsatǵana jaratıw imkaniyatın beredi.

Jańa betińizge qaytabaǵdarlaǵısh jaratıń

Betti jaratıwda qaytabaǵdarlaǵısh ornatıwdı umıtpań.

Eger siz jaratqan betti basqa paydalanıwshılar basqa atama yamasa orfografiyalıq ózgeshe tekst arqalı izlewi múmkin dep esaplasańız, tiyisli baǵdarlaǵısh(lar) jaratıń.

Qaytabaǵdarlaǵıshlar betine kirip kóriń.

Jańa betńizdi qorǵań

Ádette jańa wiki-betti basqa adamlar da redaktorlawı múmkin (bul wikidiń tiykarǵı ideyalarınan biri!).

Biraq, eger qálese, ápiwayı paydalanıwshılar onı redaktorlawına jol qoymaw ushın sistema administratorı betti qorǵawı múmkin.